長途挑逗 #13

1509868_314117422078015_2946814050679984577_n

長途挑逗 #13 – Storyteller 馬交文

跌跌撞撞,我拖住celia離開k房,踏出CEO。
印象中,個部長好似同我講:「再見馬生,玩得開心啲。」

走先黎講?事後諗起,部長真係見慣k場世態。

to 扑 or not to 扑,呢個本應深思熟慮既問題,我一啲都無無思考過。celia挨住我行,似乎同我差唔多咁醉。
我個腦完全運作唔到。

上的士,講出地址,的士直奔我屋企。全程的士入面,我同celia雙唇無一秒分開過。小學中文老師教四字詞,講「靈蛇吐信」,宜家諗番,celia條脷比靈蛇有過之而無不及,直頭可以寫入小學中文教科書,實行融合中文同性教育兩科。

我已經唔記得對手擺咗係邊,只記得落車既時候隻右手好似黏黏地。

如果你唔明既話,celia係著裙既。

上樓,攞鎖匙,開門,除鞋,入房。每一樣野都好快,快到我根本無意識去判斷究竟我做緊啲乜。

見到celia瞓咗係我張床,我好似回復番意識。
「我去沖個涼。」
celia攬住我,唔比我去。一輪脷疊脷之後,我終於離開到我間房。

如果你試過開到個花灑最猛,然後係啲水兜頭淋落黎既時候用合埋眼用雙手封住對耳,你會聽到瀑布既水聲。慢慢,你個腦會出現瀑布既映像。
對住呢個瀑布,我終於停落黎。

我當celia係乜?我想點?

由頭到尾,我都只係想有個人係度。一搞埋,呢段關係就真係唔清唔楚。我負擔唔起呢種重量,呢種迷離。

我第一次覺得,唔扑係一個自私既行為。

都濕哂咯。

或者咁耐以黎,我都清楚呢段關係唔可以行得太遠,因為大家根本就唔想認真。flirt本身就需要空間,所以當flirting去得太盡,緣分,亦勢必早盡。

如果有食唔食係罪大惡極,咁我應該仆街仆入無間道。不過,呢段關係,本身就仆街啦。

抹身,著番杉,開門,老豆竟然係廁所門口,佢面上既笑容令我聯想到《整蠱專家》入面賣淫賤不能移既單眼佬。
「女啦,四吋斗零踭,掂喎。」
「做乜姐?friend咋。」
「有無袋?記住帶袋呀。」
「咩袋呀?環保袋呀?」
「吹就老虎都環保,打波一定唔可以呀。同friend打友誼波唔帶袋,好嗱咋嫁。」
「你都癡既,都話friend咯。」
「唔好玩我啦呀仔,就係friend先係友誼波呀嘛。你咁爭氣,老豆除左恭喜之外,都唔知講咩好。不過,下次可唔可以比我地兩老過過目先呢?」
「你係咪唔明friend點解呀?F-R-I-E-N-D呀,朋友呀。」
老豆斜視住我,陰陰嘴笑:「好,呀哥,呢期你出位啦,你話點咪點囉。friend先要用袋呀喂,友誼永固呀。」
「妖,番房啦。」

我瞓上床。
celia打側個身,哄個頭埋黎。
我攬住佢:「瞓啦,再算啦。」

我合埋眼。

再算啦。

Comments

SHARE
Previous article長途逃逗 #12
Next article長途逃逗 #14

NO COMMENTS

LEAVE A REPLY