英國的百老匯

子華神係幾日之前宣佈今年唔做棟篤笑,改做舞台劇。無劇名、無簡介,內部認購都已經一早賣哂,大家亦都已經不斷話要睇。套劇既宣傳呢兩日岩岩上左,係各大地鐵站都見到,原來係做名劇《Skylight》。網媒HK01都有報導。

Screen Shot 2016-05-01 at 11.11.14

hk01原文

睇呢段報導睇到眼火都爆,入面既Facts係錯到離譜。


敗筆1:「英國百老匯及West End多次公演」

講到Theatre,講到Performing Arts,地球上有兩個聖地,一為英國West End,二為美國Broadway(亦即係百老匯)。英國百老匯係邊,我真係唔多清楚,只係知道香港有百老匯,不過係賣電器,同埋唱歌既係容祖兒。

事實:

《Skylight》的而且確係兩個地方都做過。初演係1995年,由Michael Gambon(即係哈利波特第三至八集入面既Dumbledore)同Lia Williams係英國National Theatre上演。之後係1996年尾,兩位演員係美國Broadway再重演呢一套劇目。另一位著名演員Bill Nighy亦都重演過呢一套戲(分別係1997同2014年係倫敦,同埋2015年係紐約)。

敗筆2:「英國戲劇界最高榮譽東尼獎」

兩個Theatre既聖地分別有佢地自己既「最高榮譽」,英國West End既係叫做Laurence Olivier Award,有人譯為奧利花獎;美國Broadway既係叫做Tony Award,亦即係文中所謂既東尼獎。

如果一套劇係兩個地方都上演過,佢就有機會兩邊既獎都攞過,但Tony Award就絕對唔會係「英國戲劇界最高榮譽」。你咁講,你不如話香港最高榮譽係奧斯卡,美國最高榮譽係金馬獎?亂哂大龍。

事實:

《Skylight》係90年代演出既時候,係兩個地方既獎項都有提名同。

跟據Tony Award既網頁,《Skylight》係1997年提名最佳戲劇、導演、男女主角,一共四個獎項,最後係無嬴到。置於2015年既重演,的而且確係得到過7個提名,最後只係嬴到「最佳重演Best Revival」一個獎項。

跟據Olivier Award既網頁,《Skylight》係1996年提名最佳佈景設計、導演、男女主角,同埋年度最佳戲劇,最後只係嬴到「年度最佳戲劇Best Play of the Year」。2015年既重演有最佳重演既提名,但係無嬴到。


其實我以上打既野,Wikipedia既《Skylight》一頁就講哂,兩個大獎既網頁亦都好易搵到歷屆得獎者,HK01既編輯們,做些少功課,唔會死掛?

香港人對舞台劇既認知程度低,我都已經接受左,但係身為有d影響力既傳媒,拜託一係就唔好講,要講都唔好講d錯既野,好無?

 

Comments

NO COMMENTS