簡略評《蝙蝠俠對超人:正義曙光》

《蝙蝠俠對超人:正義曙光》,簡略評價一下,雖然已經好多負評。

  1. Batman出黎係有中年危機既感覺,但其實唔使再花篇幅去講佢父母點樣死。之前已經講左好多次。劇本算係交代到Batman點解對超人有恨意,Batman眼中既Superman,冠神之名而對世界肆意破壞,即使得1%可能,但唔可以俾佢有機會毀天滅地。

但係Batman利用科技產物,碾壓返Superman,想埋佢單果陣,Superman講左句野,話要救自己阿媽,聽到佢阿媽同自己阿媽同名果陣,Batman又會停到手,成個轉接位好突兀。

2.雷聲大雨點小,故事雜亂無章,人物好似佈景版,但係咁都有2個半鐘 :O) 臨尾好努力咁將套野變做《正義聯盟》既預告片,但係主線依然非常散亂。夾硬扭橋出黎,去到最後一齊打外星怪獸,打怪獸果part,最記得就係隻野叫、發光、發光,畫面好閃,無喇。

同埋果支矛,俾Batman掟走左,Lois跳落水執,之後又到Superman執。有手尾d咪乜事都無:O)

  1. 奸角好有痴線佬feel,佢捉Superman阿媽,叫Superman打Batman,又俾Batman架生去弱化Superman。但係呢段劇情反而畫蛇添足,Superman又會聽個痴線佬講去搵Batman :O)
  2. 神奇女俠係幾正,出場音樂唔錯,但成套戲真係好難睇。不如唔好拍《正義聯盟》啦。

louis_fung1

Comments

NO COMMENTS