男神約我XXOO

4月1日,愚人節。

 

我終於鼓起勇氣向男神表白了。與其說是勇氣,不如說是衝動更貼切。本身都預計係以「愚人節快樂」作結束語。

 

但我估唔到個故事發展的方向竟然會係咁⋯⋯

 

告白男神

 

我應該點答?

 

朋友A:蛤?估唔到佢係啲咁嘅人⋯⋯

 

蛤?即係點?

 

厹?禽獸?

 

反而,我覺得好正常。一個血氣方剛的成年男性,有性需求不是很正常的嗎?如果佢冇,才不正常吧⋯⋯

 

在我心目中,佢唔係「蛤?估唔到佢係啲咁嘅人⋯⋯」。咩人?賤人咯。

 

我並不認為他拒絕了我的表白而又提出做SP的邀請就是賤人。

 

何謂賤人?賤人就係利用我對佢的傾慕,氹我上床,再中出即飛。

 

但佢並冇咁做,佢好直接。佢嘅直接,給了我明確的選擇權,反而令我更加欣賞佢。(當然,有部分是基於『佢係我男神』的想法,you can say: your face your fate.)

 

向人表白,就預咗會被人拒絕~拒絕你的人冇錯呀,冇人奉旨要滿足你的心意喔~

 

但朋友A都係覺得佢好賤格。

 

「係,佢拒絕你表白冇錯,但佢拒絕你又邀你做SP就係賤格。」

 

係呢件事入面其實係有兩件事。一,我向他表白,他接受與否,是一件事。二,他提出『邀請』,我接受與否,又是另一件事。

 

我向佢表白,佢拒絕,佢冇錯。但點解:我向佢表白,佢拒絕,佢邀我做SP,就有錯呢?

 

係錯,錯就錯在我們從小接受的「性教育」概念:潛意識覺得性愛是羞恥的、污穢的,女仔係蝕底的。

 

始終,係好多女仔的心目中都當自己的身體係一份「禮物」,要係「適當的」時候「送」出去。

 

我亦明好多女仔係表白被拒絕之後又受到「性邀請」會嬲的心理。

 

其實初時,當我睇到男神覆我的那句msg,我都係即刻「Diu」出聲的。唔接受我嘅感情就算啦,依家仲要我做你SP?玩嘢啊?

 

但諗深一層,就算佢應承咗同我拍拖。情到濃時,咪又係會做~

只不過,拍拖係有餡的漢堡包;SP係——食乜麵包啫,直接上肉啦!

 

----------------------------------

 

朋友B:「去!點解唔去?得唔到佢個心,享用下佢個肉體都好呀!你唔係成日都J佢啲腹肌咩?」

 

咦?你咁講,又好似幾啱啵~

 

在雙方都沒有結婚,都沒有男女朋友的情況下,如果有一個和你創造和諧性生活的人,豈不是人生一大樂事嗎?對方不在乎你的經濟能力、不涉足你的生活圈、不插手你的人生規劃——做一個「知埞」的SP,不逾矩,有分寸——是多麼地可遇而不可求!

 

Comments

NO COMMENTS