特區護照持有者,是公認的國際孤兒

20160417_220724最近,日本熊本發生七級地震,而且餘震不斷,市面滿目瘡痍。對於一個香港人,今次事件中最深刻嘅唔係日本人的守望相助、台灣人的積極協助、又或者天災的無情,反而係特區政府點樣將香港人(準確而言係特區護照持有人)置之不理。

 

打開份報紙或者登入facebook,相信唔難見到正在九州的香港人點樣不安、徬徨、無助,一心只想返香港,就算唔得,都希望可以離開九州。但當一班香港人打去入境處尋求協助之時,得到回覆竟然係”自己聯絡航空公司”、“搵個空曠地方暫避”,甚至係“自己諗辦法”呢啲不負責任的答覆,然後仲夠膽死講今次地震無人尋求協助。足以證明香港政府如何將香港人棄如草芥,並且只識粉飾太平。相反,同樣係香港人,有BNO持有人好快得到英國援助,得到機票離開九州。

 

還記得日本311地震,好多特區護照持有人都聯絡入境事務處,換到的訊息離不開四個字,愛莫能助。去到中國大使館,中國大使唔係要你走,就係開天殺價賣離開日本的機票。更何況,正常人都知道中共對香港永遠表裏不一,表面上大家都是中國人,實則?香港人在中共眼中只係二等人家。若果中國有包機提供,一定會首先接走中國護照持有人。特區護照持有人?接走哂所有中國人先算,話唔定到時航班正常番呢。至於香港政府?根本跛腳鴨一名,只會跟從中央指示,唔會真心為香港、為香港人。

 

特區護照,美其名代表一個特別行政區,有好多國家免簽證,但一有乜事,特區護照持有人只係證明自己係英國唔理,中國最後先理,香港政府唔敢(或者唔想)理的國際孤兒。

 

唔想咁樣,香港人要當家作主。

 

原文出於小薯仔遊記 facebook 專頁

https://www.facebook.com/smallpotato424

Comments

NO COMMENTS