《有種愛情叫try try, see see, work ng work…》

Screen Shot 2016-06-03 at 11.46.22

曾經有個女仔朋友想飛條仔問我分手點講好, 佢比哂佢地一齊2個半月d msg我睇,我就碌到佢地岩岩一齊既頭幾句msg,個男仔話”I always dream of u, u know I love u, can we be tgt? I promise I will give u happiness”, 個女仔就覆左一句”we can try try, see see work ng work ge” 睇完真係好想兜巴車落條女度, 除左見到d火星文把拎火之外, 心諗 你明明都唔係鍾意條仔就唔好應承人啦, 怒火中燒既我就都係友善咁比番句意見就話”咁你不如打番句,‘sorry ah, ks dou try jor gum loi, yuen loi ng work, bud yu suen la’ 啦” ,首尾呼應番幾好’ (“ks”呢個terms, 夠mk既應該知點解)

佢真係咁樣覆左,ks我諗我係條仔我真係想自殺。。。

不過細心諗落,條女係唔係錯呢,try try, see see真係唔岩?唔知你地身邊會唔會識d人明明個樣同條件都唔差,但永遠係A0,有d柒到開花又奇蹟地係A380。我發現好多人身邊就係總有幾個咁既A0朋友,明明佢地有人追,但就永遠都出唔到pool,同親佢地傾親愛情,佢地都不謀而合比你知佢地等緊一個叫the one既王子/公主出現,the one既條件係要你鍾意佢同時佢又咁岩鍾意你,又要咁岩識左冇耐,重要咁岩比你做到同一個project,認識得好快重要一拍即合。呢種咁夢幻既愛情觀,比人推左上一個叫寧缺勿濫既神枱,呢種神力扼殺左好多可能佢地只係得小小好感既佢地既追求者,你會問”你reject左丫邊個邊個呀?” 佢就會答你”我其實對佢係小小好感囉,又唔可以話係鍾意”。 等一個真正鍾意既人 出現/鍾意番佢,係佢地愛情路上既終身目標。雖然佢地對愛情既堅貞令我好想為佢地吶喊一聲 ”加油丫 電車”,但愛情呢d觀點與角度既遊戲,你唔拍一次拖,你係唔會明;根本就係一個試黎試去,不斷從中學習,提升自己再去同下一個try try, see see, work ng work既遊戲…..

意志堅定係好,但係你未試過又點知唔好呢?如果有個人真係好誠懇咁鍾意你,追你,你又唔係唔鍾意佢,你咪try try, see see, work ng work lor, try到結埋婚就緊係好啦,但係就算最後發現唔work,咁頂多咪ks dou try jor gum loi, yuen loi ng work, bud yu suen la囉,都係果句啦,呢d叫首尾呼應丫嘛  😉

Comments

NO COMMENTS