我忍夠新既emoji啦, 還我笑哈哈!

petition2

自從Iphone update左上iOS 10之後,佢改哂全部Emoji,雖然話大部分都只係改小小,同以前差唔多;但有一個我敢話幾乎係全世界最多人用既emoji (上圖既舊哈哈笑icon )(學名: Grinning face with smiling eyes),就受到毀滅性既改動,蘋果除左幫佢剝哂d牙之外,更將佢具感染力既圓咕碌笑容改左做「D-shape」既交貨式微笑,變左咁 「:D」。我操,一時之間你可能想像唔到呢個「:D」點樣完美破壞一句句子既 語境意識或者 情感表達。呢個新符號隱含左一種好重既「交貨」味,用係正面積極既句子上,效果完全比唔上舊既笑笑符號,比人一種皮笑肉不笑既感覺,反而更適用於反意或者諷刺既文句,更有效帶出一種無奈/諷刺感,以下用左唔同既句子黎試驗:

我操:D

收皮啦:D

你都係遲到小小啫:D

你岩岩場LOL殺0死10好carry 😀

真係好多謝你同我表白,不過我唔想(同你)拍拖:D

 

自從冇左舊既笑笑icon,我每次覆message都要諗一餐用邊個icon,左碌右碌都係覺得舊果個最好。上兩個禮拜因為搵唔到岩用既符號覆機而發牢騷既時候,一時意氣,就係一個專寫Petition既網站上寫左一篇關於哈哈笑Icon既請願信,內容係叫蘋果總裁還番個舊笑笑icon比我,估唔到過左短短2個星期竟然已經有5千幾個人支持呢件事,呢件望落好低B,但確確實實影響緊我生活既事 (確實Emoji好多人日日都用緊),唔知會唔會因為呢d小小既力量真係改變到呢? 唔知蘋果既總裁先生 阿Tim望到封信,係好嬲定好笑,又唔知會唔會順應民意呢?久聞外國同我國既處事手法差距甚遠,可能真係救得番「笑哈哈」都未定呢!

唔知你睇完呢篇咁無聊既文,係有共鳴定係覺得筆者真係好戇居。筆者真心相信一定有好多人都有相同既諗法,只不過現世係一個無乜所謂,又冇乜好提既世界,諗法係心上永多於係紙上

下面附上左封請願信既連結。

Smiling Emoji-萬人請願信網址:http://www.thepetitionsite.com/en-gb/812/519/993/apple-inc.-please-give-us-back-the-grinning-face-with-smiling-eyes-emoji/

如果你咁岩同我一樣對新既笑哈哈Emoji抱有強烈既不滿,不妨share下我Facebook第一個Post (請願信Fb版) or呢篇文比更多人睇到 (好好既輔仁編輯應該會放左我Facebook係下面,自己搵啦哈),記住填番 『成件事好_啊』。

你既一票,可能就會令你係不久既將來用得番笑哈哈公仔。

講到呢到,筆者不得不坦白一句,「諗用咩Emoji覆機?」冇人搵又何來覆機呢,唉:<,FF少陣啦!

 

鍾意篇文就like下我,支持下;),你輕輕禁一個制,我會開心一日架  <3

http://www.facebook.com/watercharcoal

 

Comments

NO COMMENTS