《夾公仔》

 

13318670_10153727100457399_937732616_n

 

係人都知夾公仔真係好呃錢,但總係有一班傻仔爭住夾公仔俾女神。我日日就睇住啲女神講句「好得意呀!不如你夾比我呀!」啲兵就仆哂黎counter唱錢,我都忍唔住慨嘆,真係好傻。

 

「唔該,我想唱一百蚊coins。」

我心諗又一隻兵仔做傻事,一抬起頭「係,先生,你要嘅coins。」

又係佢,佢幾靚仔架,眼大大鼻高高仲有model身型,成日都黎玩。

 

但係問題黎喇,我要收舖喇喎,佢唔係想阻住我收工下話,要剪春袋架喎!睇佢個樣斯斯文文咁,應該唔會好似其他毒男咁發癲掛…

 

「先生,唔好意思呀,我地收舖啦!」我面帶笑容同佢講。佢望一望我,眼神閃過一絲…殺機?之後佢講左句「對唔住」咁就拎住袋「戰利品」走咗。

 

我望一望部機,得番三隻公仔,痴媽根!佢想清哂我部機呀???

 

之後果日佢又黎玩到收舖。我見冇咩客就走去望下佢夾成點。我隻新番嘅比卡超呀!我望住佢夾中左仲跌左落個窿,我諗住收工可以偷佢番屋企架嘛。

 

我唔小心唉左出聲,佢就望住我,之後拎住隻比卡超行過黎

「送俾你。」

「下?但係…」

「你唔要我就dum咗佢架啦。」

緊係唔得啦!我心愛嘅比卡超呀!「我要呀我要呀!」

 

我拎咗隻比卡超,佢笑咗笑。

「要收舖啦?」佢問我

「仲有10分鐘,你夾埋都得。」

「唔洗啦,都玩咗咁耐」

「你都幾勁喎夾到咁多,追女仔呀?」

「算係啦,不過我仲未送到俾佢。」佢苦笑

「咁可惜,好靚女好難追架?」

佢望住我「係架,好靚女。」

唔好咁深情款款咁望住我講啦,我會以為你同我講架!

 

之後嘅每日佢都同一時間黎玩。我地開始傾下計,有時佢都會送公仔俾我。原來佢叫呀文,我地同U唔同系,仲知道咗佢好多野。慢慢我開始期待佢黎,陪下我傾計收舖。

 

「就黎final啦,我會唔番工一排。」我同呀文講。

「咁你幾時再番呀?」

「考完咪番囉,做咩呀掛住我呀?」我奸笑著問佢

「你都痴線,我恨不得無人向度阻住我呀!」佢紅都面哂

「得啦!知你要追女神呀嘛!加油啦。」唉氹下人都唔得。

 

冇番工成個星期,其實我真係唔慣無得見佢嘅日子,但係要抽身架啦,再咁落去真係中意左呀文就GG,到時咪仲辛苦,唉,這些機會不屬於我架啦……

 

「鈴鈴」哇!一諗曹操,曹操就打黎?

「喂?做咩呀?」我問呀文

「我向舖頭度有啲麻煩,你可唔可以黎幫下我呀…」

「15分鐘後到!」

我極速地換過件衫,再衝左落街撘的士。死啦究竟咩事?頭先應該問佢囉點解我咁蠢架!

 

終於到左舖頭,點解無開燈嘅?唔理啦入左去先算。

我一開左鎖行入去,「啪」,有啲好浪漫嘅波波燈著左,每部機都擺左隻公仔,佢地都拎住張紙,上面都有個箭咀,我跟住啲箭咀行。

 

行到去收銀處,向我平時坐果個位上面有張卡,寫住「恭喜你中獎喇!」,

下?姐係點呀?

 

呀文之後向我後面行出黎,我擰轉頭見到佢拎住隻巨型Hello Kitty公仔

「你搞咩呀?又話有麻煩?」我問

 

「呀盈,其實我一直以黎都唔敢同你講,我夾公仔係為左你呀。我第一次見到你就已經中意左你,覺得你好可愛,又笑得好靚!果日你話夾公仔勁geh男仔好叻,所以我日日苦練。我真係好開心你話中意我送比你geh公仔。依排見唔到你,我真係好掛住你,好想見到你,我先發現原來我係咁中意你。我決定一定要同你表白!我想問,你可唔可以做我女朋友呀?」

 

呀文一口氣講哂出黎,我真係好開心,原來佢中意嘅係我!我慢慢行到去佢面前,向佢手上拎左隻kitty…

 

依個時侯佢講左句「得唔得呀?我諗住咁樣同女神表白,你話好唔好呀?」

 

 

 

 

屌。

 

作者有感:

 

首次創作,希望大家多多支持 J

另外有隱藏版happy ending ,想睇記得留言啦!

 

Comments

NO COMMENTS