《付出,真係可以不求回報?》

Screen Shot 2016-06-09 at 23.08.00

 

「如果真心鐘意一個人,你就可以為佢無條件付出,不求回報。」

 

曾幾何時,我地都曾經相信過呢句說話,由朝到晚whatsapp噓寒問暖,個幾兩個鐘車程都堅持送女朋友返屋企,甚至隨傳隨到等等呢啲係你啲朋友眼中接近白痴嘅行為,但你將呢啲行為解讀為「你愛佢,即使自己做咁多都唔緊要」。亦有人會將呢句說話,變成考驗對方嘅準則,「如果佢真係鐘意我嘅話,唔係應該咩都為我做咩?」所有野好似係理所當然,但係我地付出嘅時候,又有幾時,係真係無要求過回報?

 

其實我地付出,總係會希望得到回報,回報可以只係簡單嘅一句,「多謝你咁遠都送我返黎啊」,已經可以令你係送完女朋友返屋企之後嘅個段車程,都掛著笑容;或者係一個擁抱;甚至你希望對方都可以咁樣對你。每當你為對方付出,你就會有期待,你期待對方都做番啲野,哪怕只係一個微笑,一句多謝,只要有小小提示話你聽佢鍾意你咁對佢,對你黎講,都已經係最大嘅肯定,呢個肯定話比你聽對方其實係見到你嘅付出,令你覺得你做咁多野都係值得嘅。其實我地做咁多野,都只係為左一個肯定,一個可以令我地繼續付出嘅肯定,呢個就係我地付出希望得到嘅回報……

 

 

Comments

NO COMMENTS