「於心有愧」

祝曾經傷害過深愛你既人既你內疚一世。內疚就係最好既懲罰,被道德審判,被精神折磨,就係最好既報應。或者賤格既你曾經有內疚、有歉意,於是你搏命向對方道歉,但其實道歉只是係對對方另一種傷害。你會講對唔句,或者只係因為你一時既良心過意唔去。你道歉,只係因為你自私,你想得到原諒,你想得到解脫。但記住,你唔值得被原諒,對方原諒你,係因為佢地善良,唔係因為你值得被饒恕。

你唯一可以做既,只係由佢地生命中消失,唔好再比任何虛假既希望,唔好再勾起佢地對你既感情。換言之,有咁遠死咁遠啊,隱性埋名,換電話換facebbok,由地面消失啦!受害人徹底既死心先可以得救,置諸死地而後生。你幾內疚都好,唔好再企圖話比對方知,全都係狗屁,於事無補。或者你會諗,呢一刻既你真係好後悔,後悔左無數個夜晚,一定唔會再犯同一個錯誤。我勸你慳D啦,假如你真心內疚,就消失啦,唔好再比自己有任何機會再傷害對方,唔好再企圖聯絡對方,唔好再牽動對方任何情緒。你內疚係你既事,咎由自取,自作孽不可活。

https://www.moedict.tw/內疚.png
https://www.moedict.tw/內疚.png

Comments

NO COMMENTS