《關於放榜,我想說的是…….》

大家好,我叫哈姆太狼,其實放榜離我已經很遠了,我讀的是舊制,經歷過會考和高考,兩次都是失敗收場。我不會說放榜不重要,因為這是一條必經之路,而一條必經之路,我不會輕易說它沒用。這篇文章並不勵志,當然也不會對今天放榜不如意的考生雪上加霜,而是想分享一些放榜的眾生相,博君一笑。

唔知大家有冇留意到你地入左U既師兄師姐既動態呢,無論係FB又好,IG又好,或多或少都會出現幾個人打左段野話支持考生呀,撐到你盡呀咁,然後就話「有咩唔明就搵我Inbox啦」。我唔排除真係有咁「熱心」既師兄師姐,但我所見到既係一個局,一場放長線釣大魚既局。上述個班師兄姐,十有八九係上緊莊,宜家幫你有咩好處?就係等你入左佢地間u之後,方便R你玩Ocamp、住hall、上莊。唔可以話佢地俾既意見冇用,但點都會偏向自己讀緊個科,叫你入埋黎讀。見你夠分讀,有住hall既就會叫你regday個日黎行hall booth,為自己個hall增加新血。

可能你會問「有乜問題?」冇問題,呢個就係你畢業之後要上既第一課:學識人做既每一樣野都有佢既目的,姑勿論呢啲目的係善意定惡意,首先就要明白人係唔會無啦啦做埋啲無意義既野,背後一定有佢既目的。我唔會阻止你繼續諗到人咁好,但無條件地對一個三五識七既師弟妹好,我二十幾年黎都遇唔到幾個。

其實仲有一種人,佢地打氣既方式零舍不同,呢班人會將自己以前考既公開試成績upload上去IG曬命。大家唔好以為佢地好高分,擺上去曬命。傻啦,曬命咁直接係會出事。所以呢班人既cert一定係好很低分,然後再藉此同一眾考生打氣加油,只要好好努力,最後一定可以入返大學,好一個勵志故事。咁說好的曬命呢?冇錯啦,呢招就係曲到圓既曬命大技。呢種人無一不是最終都入到U既哥哥姐姐,之所以肯擺以前低分到核爆既cert出黎就係因為最後入、得、返、U!

正所謂英雄莫問出處,不過首先,你要係英雄。公開試考得好,難;讀Asso HD再入返U,難上加難。正正係因為咁,就俾左呢班鐘意打自己飛機既人有位入。係你地眼中,佢地係英雄、係勵志故事,而係佢地眼中,只不過係順手打個飛機,再睇住你地以莫名崇拜既眼神望住地下果攤液體。簡直就係身心舒暢,雙重享受。

今日既所見所聞講到呢度,因為筆者都要忙住解答師弟妹既問題。

話曬自己都係Asso上degree(笑)……..

飛機梗係要趁熱打

 

睇落唔錯 其實炒左
睇落唔錯 其實炒左

Comments

NO COMMENTS