《追女仔三十六計 之 一 「投其所好」》

36plan

 

最近同朋友把酒談歡,講起大家多年來既溝女事跡。一夜長談之後,筆者綜合左自己長年累月溝女失敗既事績,同埋男神朋友屢戰屢得手既輝煌戰績,筆者忽發奇想,諗住歸納所有箇中既追女仔技巧,彙編成兵書 追女仔三十六計,以供各路英雄參詳。三十六計分為六部,部中皆有六計,六六三十六,數中有術,術中有數,要溝條女,女要條溝。太陽,太陰。

 

廢話少講,追女仔三十六計 之 一 ──「投其所好」。呢一招專係對付相方關係並非親近,甚至其實稱唔上為朋友,卻對方又大概知有你呢個人存在咁上下;呢類case通常包括:O camp同組又冇兩句既人,大學同科/同lecture既hi bye friend,公司同team/隔離team既同事,中學同班/隔離班但又唔熟既同學。呢類經常會撞到大家,甚至有對方電話號碼既case,要打開一個話匣子,可以話易如反掌,問題往往落左係對話既continuity (持續性),quality (質量) 同involvement(投入程度)度。先不論你之後有冇能力令心儀既女孩子鍾意你,如你係朋友層次既溝通上,提昇到呢三樣野,保證你可以脫穎而出,成為佢既好朋友,並至少升級到做到「幾好傾級數」既朋友。古語有云:欲速則不達,要成大事先要有耐心,以及用心既部署,如果連朋友關係都唔願意慢慢建立,就妄想直到男女朋友關係,又或者你根本係速食主義人仕,我只可以同你講:可恥!同埋,本兵書頭六計都唔會岩你用,請直接飛到第七計開始睇。

 

好多人會覺得「投其所好」係陳腔濫調,老生常談,無人不曉既事。事實往往係好多人同其他人溝通既時候 (唔單止係追女仔,甚至係同朋友溝通時),經常會過份放大自己,而忽略左其他人。呢樣唔難理解,美國有研究提過,人同人傾計既時候,最常講既字就係個「我」字,所有人都有不同程度既自我中心,特別香港人更甚,如果兩個唔係有共同興趣既人,好少可會對一段互相既dialog有相近既滿足程度,常見既對話會傾向壓倒性既對話比重 如 30:70甚至更大,70一方必定比30一方更享受剛才既交流。「投其所好」正正利用到呢一點,係令佢愛上你之前,先愛上同你溝通同交流。而呢樣可以話係無所匹敵,因為要佢愛上同你傾一樣佢原本已經愛上傾談既事真係不廢吹灰之力鞋,只要你唔係真係咁7,基本上都穩穩陣陣。當然,要知其所好都需要做一定既research,或用到一定既人脈,但呢樣唔會係一個好大既障礙,大部分有心人都總有方法搵到;在此,筆者可以透露一個小方法,就係睇佢instagram like d咩,因為放既相都重可以未必最真,有時扮下文青,塑造下個人形象,like既相卻往往係最冇防備,最真誠。

你唔需要假裝對佢所鍾意既事物同樣熱衷,筆者亦認為為溝女要淪為騙徒實在丟人現眼,當然你可以嘗試慢慢去建立對果樣事物既熱情,但即使你只係略知一二,只係係對話時提出到呢個話題再等佢自佢自由發揮,佢自然會同你溝得好開心,之後當然會係心底為你地既討論打一個唔錯既分數,做生意最重要係口碑,回頭客,追女仔一樣,佢同你相處落覺得岩key,傾得埋,有野講,自然食過番尋味。到時熟左,再下一個順水推舟,再唔係呢度都重有之後三十五計比大俠慢慢參詳,對溝緊女既各路英雄,筆者在此講聲加油,雖然筆者日常有好多野做,為左你地,會好快寫埋之後三十五計比大家!

 

鍾意篇文就like下我,支持下;),你輕輕禁一個制,我會開心一日架  <3

MAN WITH NAME

http://www.facebook.com/watercharcoal

Comments

NO COMMENTS