《如何克服:雙重標準既人真係好Q黑人憎》

double standard

如果話呢個世界全人類都有一個通病,我敢話呢個病一定就係《唔講道理,幫親不幫理,有邊讀邊,反常識不公義,低級論點,死雞撐飯蓋,明明係錯到出哂面都企硬,埋沒良心候群症》:即係雙重標準。

講到雙重標準呢個terms,真係冇人會陌生,因為緊有一個係左梗。無論係日常生活,番工番學,落街買餸,立法會辯論,都會見到一大咋人做既野,make既decision,站既立場,提既倡議,都唔係基於理性既分析,對一件事實實在在既衡量,反而係我係咩立場,我同邊個fd d,我係邊邊陣營,邊個係老細,邊條女靚d……

雙重標準字面上睇好似話緊人用兩個唔同既準則去睇同一件事情,用唔同既尺去度,咁你就錯啦!其實雙重標準背後係有個劃一既標準去決定架,就係「你係乜水指標」。「你係乜水」指標就係 你呢條友 對於 我呢條友 有幾重要同有幾有份量,「你係乜水」指標會同幾樣野掛勾,就例如我同你有幾FD,我有幾鍾意你,重有你既人格同埋你靚唔靚仔/女;當你既「乜水」指數高既時候,無論做弱智野,講廢話,周街troll,人地都會唔介意,甚至同你一齊9up當秘笈,更坦言 ”有時同你9下9下咁真係好開心” ,但如果你唔係呢類人生嬴家,同樣情況下就只會換黎,”好心你9小陣當幫忙”, “做小小野都做唔好”。係政治層面去分析重簡單,你同我有共同理念就100分,相反就0分。對住呢d社會既不公,無形既委屈,你只可以慨嘆:係咁架啦,好出奇呀?古語有云:Your face your fate, you have no say。

睇到呢度,我肯定已經有人開始有共嗚。但係你怨天怨地之前,我想你反思一下你會唔會都係其中一個黑人憎既雙重標準怪呢?我地睇下案件重演,睇下係你身上有冇出現過呢D情況。

案例  1:食粥  VS食雞

同你好熟既飯腳A病左,大家一齊食飯你會話:「喂,丫A唔舒服,不如我地一齊食粥啦~」

冇咁熟既飯腳B病左,你會話:「冇理由咁多個就佢一個既,我地去食海南雞飯啦^^,丫B你病左到時食清D,唔好改油飯啦」

案例 2:    佔中 VS魚蛋

黃絲:

嘩chi lun sin d人和平示威,D黑警又嘖胡椒粉 又扔煙肉蛋,有冇人性架,你以為真係煮緊餸啊?

為公義,一齊拎磚扔9 啲差佬,你做初一我做十五,有理冇理,時代革命!

籃絲:

班人真係喪失左理智,係度扔磚燒地,變左暴民啦。我唔理你爭取咩,總知用暴力就一定唔岩!

嘩痴線   d人佔領左個馬路,一於出動7個為人民服務既好警員圍佢,打到佢變豬頭丙。

其實我用呢個例子真係玩緊自己,黃絲睇到又小我,籃絲睇到又小我。岩呀,正正係我想表達既野,係呢個世代,公正持平其實真係冇乜著數,最後只會比兩邊一齊夾攻。入番正題,既然係咁,究竟要點先克服到d雙重標準既PK?

要係一堆咁既人入面生存,重要成為嬴家,唯一既方法,就係提昇「你係乜水」指數去到極高既水平,首先,平日要對人好好,唔自私,成日請日食飯,唔計番唱K錢,幫女仔拎袋,同人say hi,落車講唔該司機,出街帶紙巾,過商場門睇下後面有冇人,最重要係一定唔可以樣衰!集齊咁多好野於一身,保證你人見人愛,車見車載,以後病左大家一定就你食粥,就算你對住李C煙 講理想 講革命,佢都會答你 後生仔係要講下理想既。甚至乎你up一堆歪理都會有人拍掌。

講到底,呢個世界就係一個個崩壞既社會,所以話,點解奧巴馬用特權行使行政命令,都重有咁多美國佬拍案叫絕,粱振英係機場拎番個袋都比人十月圍城,呢個就正正所謂「人既問題」,有時有好多野表面上有咩問題 根本唔係問題,問題可能好簡單….咁你係乜水先?

 

 

上一篇: 《有種愛情叫try try, see see, work ng work…》

下一篇: 《冇左「正方型」既限制,Instagram重係唔係Instagram?溝女溝到冇左自己,你重係唔係你?》

如果你覺得上述呢條友d諗法低能得黎又幾有趣,你可以like下呢條友個page,佢一定會好感激你架 (重要係岩岩開,應該10個likes都冇)

就係下面呢個 : >

http://www.facebook.com/watercharcoal

Comments

NO COMMENTS