《千奇唔好俾你條女玩勁舞團》

勁舞團我以前真係冇乜點玩,不過女朋友咁岩見到手機都有apps可以玩,就叫埋我一齊玩。

我以為係兩小無猜咁一齊玩遊戲sweet sweet,點知呢個先係惡夢既開始。

我以為係玩個遊戲,玩個回憶,原來我大錯特錯!

一開始都未闖關,條女就衝左去商城揀衫……

「喂!呢件靚唔靚呀?襯唔襯個髮型呀?」

「唔…幾好….幾好」

「好靚呀呢條裙!但好貴呀頂!」

作為一個稱職既男朋友,女朋友郁下條尾就應該知佢邊忽痕,痕就要幫佢R。

「我買俾你啦好冇?唔係好貴姐。」

「唔好既….淨係得我有….」

「呀我諗到啦,你買多套情侶衫同我一齊襯咁咪得囉!」

哇腦細你咁醒目真係抵錫呀屌!

就係咁,我自己無啦啦都要「被買衫」 。

半個鐘之後,佢同我終於都揀好左兩套情侶衫,well,實際上係佢揀,因為我無論點襯佢都話柒。

無論點都好,終於可以開始玩隻game。

遊戲入面可以互相申請做情侶,前提係兩個人係同一首歌入面,可以同時完成五次perfect。

對女朋友黎講,簡直係駕輕就熟,但對我黎講,我係可以一次perfect都冇。

「再整唔到你今晚唔準掂我」

嘎?我倒抽一口涼氣

「pikapika?」

「pi你條命,唔洗扮cute喇,你看著辦啦豬兜!」

認真,我寫essay都未試過咁專心,好彩試左幾次之後,僅僅符合到申請做情侶既要求,不過重點係解除左女朋友今晚既禁慾令⋯⋯

你以為咁就雨過天晴,都話你年輕架啦少年!

唔知你地有冇同感,男仔打機進步既速度係神級地快,好似天生為左打機而生咁,唔係話女仔一定打機廢,但普遍黎講都係男仔犀利小小。

而我玩左一陣之後,分數開始慢慢追近條女,最後有幾舖仲過左佢添!

我又係柒既,呢個時候仲未察覺到一股生死危機正在醞釀,仲也文也武同條女曬命。

「我眼訓啦,訓陣先。」

講完就丟開部電話噠左落床。

我呆左呆,心知不妙,正打算佢哄返佢,我竟然見到遊戲入面原本情侶關係既我地,分、左、手…….

咩 玩 法 ???

「你都唔讓人既!」

呀屌我又係既,明知方丈份人好小器架嘛。

「我衰仔我衰仔,係入面買隻寵物貓俾你好冇」

我偷偷爬上床,從後面攬住佢。

「仲要買個泡泡背景俾我!」

「好好好,都買都買,不過你點報答我先」我隻手開始係佢全身遊走。

「喂呀日光日白….嗚….」 佢未講完已經俾我塞住左個嘴。

然後連續半個鐘都係媲美perfect既靡靡之音…..

唔理點都好,呢隻game實在太危險!玩左一陣已經令我經歷幾次危機,真係不得了,所以千奇唔好俾你條女玩。

出事架嘛!

原文刊登于新IG:hamuwolf

Comments

NO COMMENTS