《冇左「正方型」既限制,Instagram重係唔係Instagram?溝女溝到冇左自己,你重係唔係你?》

photoshop

重記唔記得Instagram曾經有過一堆限制,例如post相一定要正方型,video一定要十五秒,如果你果陣已經有用緊,你會發現因為Iphone (或者好多手機) 影相一定係長條型,要post IG既時候就實迫你cut上cut下,cut左cut右,cut張相做「正方型」,一係就張相本來 風和日麗迫你cut走個太陽,一係就張相本來  成班fd影合照迫你cut走迫極都迫唔到入中間最後比人迫左出去企邊邊果個fd (你重要諗究竟同左邊定右邊果個fd d 咁就可以cut走另一邊果個,真係重慘過媽媽的決揀)。

唔知你果陣有冇份一齊 鬧過,埋怨過,批評過IG呢個「正方型」setting?老實講,我真係唔明,由細到大影相不嬲都係打橫影,點Q解你搞個影相apps,要迫人正方型。但一直一直,IG冇理過我地用家既訴求,佢一直維持住呢個setting,一個「正方型」既設定。

慢慢,慢慢,我愛上左正方型既相。當習慣左見到正方型既相,再比較長方型果d,我就發現「正方型」有一重屬於佢獨特既美感,工整,端正,和諧,平衡,中庸,不偏不倚,發而皆中節。呢個風格,呢種對美學既追求,多得IG既founder: Kevin先生既堅持,我呢d小小既Iphone偽文青攝影師先感受到正方型相果種美感同靚,最把砲係連Apple都屈服左比佢,之後既iphone相機就特登為左IG出左個影正方型既function, 等我地唔洗再cut左cut右。呢一份對堅持,令Ig係芸芸相apps之中脫穎而出,鶴立雞群 (ks唔知有冇關係)。

(*如果唔知ks點解  可以睇番我上一篇  下面有link)

自從2012年, Facebook用大概10億美金買走左IG之後,IG就失去左好多原有既獨特性,正方型既限制冇左,15秒拍片既限制冇左,連個靚靚既拍立得相機logo都比人換走埋,唔知點解要換到同itunes個新logo差唔多咁樣(衰),之後重搞埋direct send message,我諗好快就可以係IG入面玩埋遊戲。簡單d黎講,customers想要乜,佢就整哂出黎,由一個有個性,有風格既相機apps變成為左滿足其他人而放棄自已個性既公廁。

做番自己,簡簡單單4個字又有幾多人真係做到。有冇發現,身邊總有d朋友,一搵到果期鍾意既對象就會自動進入發情模式,無論你第幾次搵佢出街,佢講既所有話題都會圍繞住果個女/男仔,佢會不斷做research去了解佢個夢中情人,再將自己打造成佢夢中情人鍾意果type,唉,有時同佢傾佢d感情真係,睇住個fd痴q左線,直接話佢又唔係,又唔想佢繼續係咁 (**快d扮不經意係d comment度tag左佢個名,放心佢痴左線架啦,唔知你係話緊佢架)。

你為左個女仔,冇左自己,有意思咩?就算真係比佢對你有番d feel,佢都係鍾意你一直扮緊果個角色,你想咁咩?你想仍鍾意既係真正既你,有時你做乜都好唔過你做番你自己,真正表現番自己既個性,習慣,喜好。唔一定要跟隨大眾果套,如果你係怕醜仔,唔洗夾硬扮social king/queen既,有時怕怕醜醜可能反而會覺你幾可愛;如果你根本就係個9upper,扮正經根本唔岩你,可能你回復9up mode反而可以tum到女神開懷大笑,順便升你級做大將軍呢 ;P

嚴重發情追緊女/仔 既你,信我,無論你原本既一面有幾鬼on9,做番你自己,帶住你既 正方型 去同女/男 神相處,話唔定有一日佢會開始鍾意你呢種 正方型 既獨特美感呢 😉

 

 

上一篇: 《有種愛情叫try try, see see, work ng work…》

下一篇: 《其實未有下一篇,如果咁都禁入黎,你真係發情到其實你根本冇睇緊d字》

如果你覺得上述呢條友d諗法on9得黎又幾有趣,你可以like下呢條友個page,佢一定會好感激你架 (重要係岩岩開,應該10個likes都冇)

就係下面呢條link : >

http://www.facebook.com/watercharcoal

Comments

NO COMMENTS